Robert Pattinson, bag-ong James Bond
CEBU, Philippines — Nahuman na ang dugay nang pagpaabot ug mga espekulasyon sa pagpili sa sunod nga aktor nga modala sa sikat nga karakter nga si James Bond. Kumpirmado nang si Robert Pattinson ang mopuli kang Daniel Craig sa maong papel.
Gipahibalo sa Amazon MGM Studios ug EON Productions niadtong Lunes ang pagkakapili kang Robert , human sa taas ug hilom nga proseso sa pagpangita sa bag-ong aktor alang sa maong karakter.
Pinaagi niini, mahimong ika-pitong aktor si Robert nga modala sa iconic nga karakter sa ika-26 nga pelikula sa James Bond franchise. Ilado ang karakter sa iyang elegante nga Tom Ford tuxedo ug papel isip usa ka secret agent .
Kahinumdoman nga nailhan og maayo si Robert sa kadaghanan gumikan sa pagdala niya sa karakter ni Edward Cullen sa pelikulang Twilight Saga niadtong 2008.
Nalakip usab siya kaniadto sa mga pelikulang Good Time (2017) ug The Lighthouse (2019), nga nakatabang sa pagpalig-on sa iyang reputasyon isip usa sa mga respetadong aktor sa iyang henerasyon.
- Latest























