Manila North, South Cemeteries naglabas ng Undas 2026 schedule
MANILA, Philippines — Naglabas na ng iskedyul ang Manila North Cemetery (MNC) at Manila South Cemetery (MSC) para sa Undas 2026, kabilang ang oras ng pagbubukas at mga deadline para sa paglilinis at paglilibing.
Bukas ang MNC mula alas-5 ng umaga hanggang alas-8 ng gabi mula Oktubre 29 hanggang Nobyembre 2. Samantala, bukas naman ang MSC mula alas-5 ng umaga hanggang alas-9 ng gabi mula Oktubre 31 hanggang Nobyembre 2. Ang paglilinis at pagpipintura ng mga puntod sa MNC ay hanggang Oktubre 27, habang hanggang Oktubre 26 naman sa MSC. Ang paglilibing sa dalawang sementeryo ay hanggang Oktubre 28 lamang.
Hindi rin papayagan ang pagpasok ng anumang sasakyan sa loob ng MNC at MSC mula Oktubre 29 hanggang Nobyembre 2.
Magbabalik sa normal na operasyon ang dalawang sementeryo sa Nobyembre 3.
- Latest
