Kapuso actor, abala rin sa pagiging flight attendant

Kaya pala hindi lumalabas sa mga show ng GMA ang Kapuso actor na si Aidan Veneracion dahil may ibang career na ito bilang isang flight attendant.

Huling napanood ang 21-year-old actor sa teleserye na Mga Batang Riles at sa pelikulang Graduation Day.

Noong July pa pala nagsimula si Aidan sa pagiging professional FA para sa isang international airline.

Sa IG account ni Aidan, naka-post ang iba’t ibang bansang narating na niya bilang isang FA. Pero hindi pa rin daw niya iniiwan ang showbiz dahil love pa rin niya ang umarte.

Kabilang siya sa ni-launch na Sparkle Teen noong 2023. Ka-batch niya sina Anton Vinzon, Charlie Fleming, Victor Lee, Princess Aliyah, Ashley Sarmiento, Marco Masa at iba pa.

Unang napansin ang husay niya sa teleserye na Royal Blood kunsaan ginampanan niya ang batang may ASD (Autism Spectrum Disorder).

Fil-am actor JB Tadena, pasok sa The Pitt

Makakasama sa third season ng medical drama na The Pitt ang Filipino-American actor na si JB Tadena.

Lumabas na siya sa mga American series na Cleaning Lady at Kung Fu.

Sa The Pitt ay gagampanan niya ang role bilang si Dr. Reed Thomas. Sa first two seasons ng show, nabigyan ng magandang roles ang Filipino actors na sina Isa Briones, Amielynn Abellera and Kristin Villanueva.

“The Pitt is an incredible show and completely embedded in the pop culture zeitgeist at the present, so of course, it’s an absolute honor to be a small part of it. It’s always fun to receive news that you’re joining something you’re a fan of,” sey ni JB na isang satellite engineer bago naging artista sa Hollywood.

Nasa cast din si JB sa upcoming film na The Adventures of Cliff Booth na bida si Brad Pitt.

Tom Cruise at Anne Hathaway, magtatambal!

In-announce ni Tom Cruise ang hinihintay na sequel ng 1990 film niya na Days of Thunder kunsaan makakasama niya for the first time si Anne Hathaway. “We’re coming out summer of 2028 — don’t be late.  The new film won’t be limited to the sport itself. It will also delve into how a team works, the NASCAR community, and the risks inherent in the discipline,” post ni Tom sa social media.

Back in 1990, ang original cast ng Days of Thunder ay sina Nicole Kidman, Randy Quaid, Michael Rooker, Cary Elwes and John C. Reilly. The film brought in $157.9M at the worldwide box office on a budget of $60M. Napabilang pa ito Top 10 films of 1990.