Self-titled debut album sa DNA, gilusad na!

CEBU, Philippines — Gilusad na sa Kapamilya P-pop group nga DNA ang ilang self-titled debut album ubos sa StarPop.

Gibandilyo sa managsoon nga sila Julia, Tasha, ug Ezri Mitra pinaagi sa ilang album ang lain-laing kasinatian ug emosyon sa kabatan-onan, gikan sa pagsalig sa kaugalingon, panaghigalaay, ug gugma hangtod sa pagbangon human sa mga pagsulay sa kinabuhi.

Ang maong album kay dunay  walo ka kanta nga naglangkob sa “DNA,” “Don’t Ask Me Why,” “Spider,” “Speeding Ticket,” “Lessons,” “BINGO,” “Glow-Up Diary,” ug “Gala To The Max.”  Madungog ang mga unod sa ilang self-titled debut sa nagkadaiyang digital streaming platforms.

Coco ug Dingdong magtinabangay

Nagkita sa niaging adlaw  ang magkaribal sa primetime television nga sila Coco Martin ug Dingdong Dantes ug nag-istoryahanay  sa umaabot  nga proyekto sa League of Filipino Actors (AKTOR).

Sa iyang social media post, gipadayag ni Coco ang iyang dakong pagtahod kang Dingdong ug gipasalamatan kini sa walay hunong nga pagserbisyo sa industriya sa showbiz.

“Sobra ang respeto ko sa taong ito. Maraming salamat, Kuya Dingdong, sa walang sawang pagmamahal at dedikasyon mo sa ating industriya,” suma pa  ni Coco.

Baron gitambagan sa iyang asawa nga magpa-rehab

Kasamtangang gisumsoman online ang pangalan ni   Baron Geisler human nagbilin og komento ang iyang asawa nga si Jamie Evangelista sa usa ka Instagram post sa aktor .

Gikatahong gitangtang na ang  maong komento, apan daghan ang naka -screenshot niini, kun diin nisugyot si  Jamie ngadto kang Baron nga magpa-rehab . Dunay hulagway si Baron nga kuha gikan sa iyang pagpa-facial , ug nikomento si Jamie niini og, “Find a drug rehabilitation sponsor who can help you address the root cause of your problems. I doubt a facial can heal that.”

Nipaambit  usab si Jamie og pipila ka cryptic posts sa iyang Instagram Stories diin iyang gi-tag si Baron.  Sa pagsuwat niining balitaa, wala pa nitubag si Baron sa maong isyu.

Nakahilak sa iyang kasinatian

Emosyonal ang singer nga si Angeline Quinto sa iyang paghinumdom sa 15 ka tuig niya sa showbiz industry. Suma pa niya  nga wala gyud siya mosurender sa iyang damgo nga mahimong singer bisan pa sa daghang higayon nga gusto na niyang moundang. Usa sa labing bug-at nga pagsulay nga iyang  nasinati kaniadto mao ang pagkakalubong sa ilang pamilya sa utang nga maoy hinungdan sa pagkawala sa ilang balay ug yuta sa Sampaloc, Manila.

Madasigon sa trabaho

Bisan pa man sa mga pagsaway nga iyang nadawat , gitataw ni Vice Ganda madasigon gyud siya sa pagtrabaho gumikan  sa walay kondisyon nga gugma ug suporta nga iyang nadawat gikan sa iyang pamilya.

Wala katumpag ang LDR

Gibutyag sa award-winning actress nga si Nadine Lustre nga  lig-on ang ilang relasyon ni Christophe Bariou bisan pa man nga  long-distance relationship (LDR) ang ilang sitwasyon .   Matud pa niya nga nagkasinabtanay  sila sa ilang mga prayoridad sa kinabuhi ug nagtinabangay sa pagsuporta sa usa’g usa.