Ex-BF ni Rhian, mitingog na !
CEBU, Philippines — Mitingog na ang negosyante nga si Sam Verzosa kalabot sa panagbulag nila sa aktres nga si Rhian Ramos, ug gitataw niya nga tinuod ug lawom ang ilang gugma sa usa’g usa sulod sa upat ka tuig nila nga relasyon.
Sa iyang pagpakighinabi sa programa nga Fast Talk with Boy Abunda sa niaging adlaw , gibutyag ni Sam nga usa sa mga labing malipayong hugna sa iyang kinabuhi ang panahon nga nagkauyab sila ni Rhian.
“I’m so grateful na naging parte ako ng buhay niya and ako rin sa kaniya. But sometimes, even two people care about each other, I don’t know, life brings you in different directions. ‘Tas may mga nangyayaring bagay na hindi mo kontrolado, na we both felt it’s best for us to move forward separately," suma pa ni Sam. Human sa upat ka tuig nga panag-uban, nakaamgo si Sam nga dili igo ang gugma lamang aron molungtad ang usa ka relasyon. Matud niya, importante usab ang pagsalig, pagkamatinud-anon, respeto, ug kalinaw sa hunahuna.
Giklaro usab niya nga walay kalabotan si Wil Dasovich sa ilang panagbulag.
Mabdos si Kai
Nagsabak si Kai Sotto alang sa unang anak nila ni Rere Madrid. Excited na kaayo ang magtiayon sa una nila nga liwat. "Our greatest adventure is just beginning, and you’re already the best part of it," suma pa sa magtiayon.
Nakadawat og pagsaway
Nakadawat og mga pagsaway ang estatuwa ni Pops Fernandez sa Startista Gallery sa Star City . Suma pa nga wala masunod ang dagway ni Pops. Si Jerry Santos ang lead artist sa Startista Gallery. "Marami mang nanlait sa mga social media posts, nakita naming masaya sa resulta ang client at ang mga celebrities na pinag basehan namin -yun ang pinaka-importante sa lahat. Salamat po sa tiwala," suma pa ni Jerry .
- Latest
