Nakulbaan sa kissing scene

CEBU, Philippines — Gikan sa pagka-child star, mosulod na sa mas hamtong nga papel ang aktres nga si Alexa Ilacad pinaagi sa iyang bag-ong iWant series nga "Miss Behave."

Atol sa media conference niadtong Lunes, gipaambit ni Alexa nga dili niya malimtan ang maong proyekto tungod kay usa kini ka dakong milestone sa iyang karera.

Giangkon sa aktres nga nakulbaan gyud siya sa  kissing scene nila ni  JC Alcantara, nga nagdala sa papel isip iyang uyab sa maong serye.

Mapasalamaton  siya nga si JC ang iyang ka-partner sa iyang unang kissing scene kay usa kini ka maayong artista.

Kauban nila sa "Miss Behave" sila Xyriel Manabat, Akira Morishita, Raven Rigor, LA Santos, Zach Castaneda, Reign Parani, Andi Abaya, Rans Rifol ug Zach Guerrero. Mosikad kini  karong adlawa ,  Hunyo 3.  — Grezy Mie Sibay, CNU-Main Intern

Taylor mo-release og awit sa Toy Story 5

Gikumpirmar ni  Taylor Swift ang iyang partisipasyon sa animated film nga Toy Story 5, diin magpagawas siya og bag-ong orihinal nga kanta nga may titulong “I Knew It, I Knew You” nga i-release karong  Hunyo 5 .

Nagsadya  ang  fans human nilusad  si Taylor og two-hour countdown sa iyang official website, nga nagpakita sa karakter nga si Jessie sa usa ka ranch, samtang adunay billboard nga adunay initials nga “TS” ug 13 ka panganod.

“I’ve always dreamed of getting to write for these characters who I’ve adored since I was a 5-year-old kid watching the first Toy Story movie," nagkanayon si Taylor .

Ang Toy Story 5 kay gikatakdang ipasalida sa mga sinehan sa Pilipinas karong Hunyo 17. — Grezy Mie Sibay, CNU-Main Intern