Widows’ War, mapapanood na sa Netflix!

Mapapanood na ang Widows’ War, isang murder mystery drama na mula sa GMA Network, sa Netflix simula sa April 16.

Pinagbibidahan ito ni Bea Alonzo at Carla Abellana bilang Samantha/Sam at Georgina/George.

Sinusundan nito ang kwento ng dalawang babae na dating matalik na magkaibigan. Matapos ang ilang taong paghihiwalay, muli silang nagtagpo habang nagluluksa sa kanilang mga asawa na sina Paco at Basil.

Sa madaling panahon, sila ay naging mga suspek sa biglaang pagkamatay ng kanilang mga asawa, na naglalagay sa kanilang katinuan at reputasyon sa panganib.

Binubuo rin ito ng mga powerhouse cast na sina Tonton Gutierrez, Jeric Gonzales, Juancho Triviño, Jackie Lou Blanco, Lito Pimentel, Timmy Cruz, Rita Daniela, Royce Cabrera, Lovely Rivero, James Graham, Charlie Fleming, Matthew Uy, at Ms. Jean Garcia. 

Kabilang din sa star-studded cast sa kanilang espesyal na pagganap na sina Benjamin Alves bilang Basil Palacios, ang competitive husband ni George, at Rafael Rosell bilang Paco Palacios, Sam’s loving husband. 

Ang Widows’ War ay pinrodyus ng GMA Entertainment Group, sa ilalim ng direksyon ng award-winning directors na sina Zig Dulay at Jerry Lopez-Sineneng base sa original concept nina RJ Nuevas at Ken De Leon.