Lady Bulldogs amoy na ang SSL crown
![Lady Bulldogs amoy na ang SSL crown](https://media.philstar.com/photos/2024/07/15/2_2024-07-15_20-33-48.jpg)
MANILA, Philippines — Dumaan sa butas ng karayom ang National University Lady Bulldogs bago sakmalin ang tigasing Far Eastern University Lady Tamaraws, 25-22, 18-25, 25-19, 18-25, 15-13 sa Game 1 ng 2024 Shakey’s Super League (SSL) National Invitationals bestof-three finals na nilaro sa Ninoy Aquino Stadium kahapon.
Hinugutan ng lakas ng Lady Bulldogs ang nahirang na Most Valuable Player of the Game na si Bella Belen matapos magliyab ng 26 points mula sa 24 attacks at dalawang blocks.
Nakuha ng Lady Bulldogs ang set 1 pero mabilis na sinuwag ng Lady Tams ang set 2 upang itabla sa tig-isang set na panalo papasok ng third frame.
May tsansa sanang tapusin ng NU ang laro sa set four matapos makuha ang panalo sa set three pero naging mabalasik ang Lady Tams para makahirit ng deciding fifth set.
Samantala, nakauna ang reigning NCAA Queens College of Saint Benilde Lady Blazers matapos pagpagin ang Letran Lady Knights, 21-25, 25-21, 25-16, 25-17 sa Game 1 ng kanilang sariling battle-for-third place.
May tsansa ang Taft-based squad na sumampa sa podium para sa third place trophy.
- Latest