Lakers pinili si Bronny James sa draft

NEW YORK - Pina­ngarap ito ni LeBron James ilang taon na ang nakakalipas, ang makalaro niya ang anak na si Bronny James sa isang koponan sa NBA.

Kahapon ay pinili ng Los Angeles Lakers ang 19-anyos na si Bronny James bilang No. 55 overall pick sa Day Two ng 2024 NBA Rookie Draft.

“Beyond blessed,” wika ng 6-foot-4 na si Bronny James sa isang Instagram post.

Ngunit hindi pa dapat mag­diwang si Bronny James dahil sa susunod na linggo ay magiging isang free agent ang 39-anyos na si LeBron James.

Dahil dito ay maaari si­­yang manatili sa La­kers para makasabay sa hard­court ang anak na si Bronny James o lumipat ng ibang tropa para sa su­sunod na season.

“In the history of the NBA, there’s never been a father and a son that have shared an NBA basketball court and that feels like something that could be ma­gical,” sabi ni La­kers ge­­neral manager Rob Pe­linka.

“We know, and have to respect of course, that Le­Bron has a decision on his opt-out ... but if it worked out that he was on our team next season, NBA history could be made. And NBA history should be made in a Lakers uniform,” dagdag nito.

Kung sakali ay mapapa­nood ang kauna-unahang father-son on-court duo sa NBA sa katauhan nina LeBron James at Bronny James sa Lakers.