Barangay chairman utas sa ambush

MANILA, Philippines — Dead-on-the-spot ang isang barangay chairman nang ito ay pagbabarilin sa naganap na ambush nitong Linggo ng umaga sa Brgy. Kibudtungan, Carmen, Cotabato.

Sa ulat na tinanggap ni P/Lt.Col. Rolly ­Oranza, hepe ng Carmen Municipal Police Station, kinilala ang nasawing si Arnel Aliudin, na kilala sa alyas Boyet at barangay chairman ng Cadiis.

Lumalabas sa imbestigasyon na sakay si Aliudin ng kanilang Mitsubishi L300 barangay service vehicle nang pagbabarilin ng mga salarin na mabilis na tumakas nang masiguradong patay na ang biktima.

Patuloy ang imbestigasyon ng pulisya upang matukoy ang mga suspek at motibo ng pagpatay.