Ang Kapitbahay (100)
BINALINGAN ni Margie si Vince.
“Vince, wala ba talagang ikinukuwento sa‘yo si Renan—tungkol sa babae?”
“Wala, Margie.”
“Baka pinagtatakpan mo lang?”
“Wala talaga Margie.”
“Kayong mga lalaki mahilig magtakipan.”
“Wala talaga siyang ikinukuwento ukol sa tsik, Margie.”
“Pag may nalaman ako, hindi ka na makakapunta rito. Hindi na kayo makakapag-inuman dito.”
“Wala talaga siyang kinukuwento, Margie.”
“Sige naniniwala ako sa’yo.”
“Maniwala kah sa kanyah, hik,” sabi ni Renan at nagsalin ng alak sa dalawang baso.
Umalis si Margie. Nagtungo sa kusina.
“Inom pah tayo, Vince, hik!”
“Kaya mo pa, Renan?”
“Kaya pah, hik.”
“Baka hindi mo na kaya e bukas na lang natin, ituloy. Marami pa namang araw.”
“Basta tuloy tayo, hik!”
“Sige.”
“Marami pah tayong iinumin, hik! Marami pa ring pulutan. Marami pah rin akong ikukuwentoh,” sabi nito at tumingin sa paligid—sinisiguro na wala si Margie.
“Talagang kaya mo pa, Renan?”
“Oo, yakang-yaka pah!”
Nagsalin uli ng alak sa dalawang baso si Renan. Sabay silang tumungga. Ubos ang laman nang ibaba ang kani-kanilang mga baso.
“Kaya pah di bah, Vince?”
“Oo.”
“Salamat Vince at sinabih mo kanina kay Margie na walah akong ikinukuwento ukol sa tsiks. Selosa kasi ang babaing ‘yun.”
“Kaya tumigil ka sa pagkukuwento kapag palapit si Margie rito,” sabi ni Vince.
“Oo ngah, Vince. Hindi ko kasih napansin ang paglapit niya kanina, hik!”
“Hayaan mo at bibigyan kita ng babala.”
“Pero bakit kaya nasabi ni Margie kanina, na baka isang araw ay may madiskubre siya sa akin. Parang may alam siya sa ginagawa ko sa Saudi. Anoh sa palagay moh, Vince, hik!
“Baka hinuhuli ka lang ni Margie.”
“Baka nga! Gusto akong hulihin sa bibig, hik!”
(Itutuloy)
- Latest
