Ang Kapitbahay (90)
“ANO bang iniinom mo Vince—beer o hard?” tanong ni Renan.
“Kahit ano, Renan.”
“E di maghanda ako ng beer at alak na imported. May binili akong Blue Label sa Duty Free. Masarap yun.”
Naalala ni Vince ang bitbit na bag ni Renan kahapon—tama ang hula niya na alak ang laman.
“Magpapaluto ako ng pulutan kay Misis. Ano bang pulutan ang gusto mo Vince?”
“Kahit ano, Renan.”
“Sisig gusto mo?”
“Oo.”
“Bopis?”
“Oo masarap ‘yun. Pero sisig na lang at baka naman mapagod si Misis mo.”
“Kayang-kayang lutuin ni Misis ‘yan.”
“Sige ikaw ang bahala. Kung gusto mo naman, magpadeliber na lang tayo. Ako na ang sasagot sa bopis,” sabi ni Vince.
“Hindi! Ako lahat ang gagastos—ako ang nagyaya eh.”
“Sige.”
“Masarap mag-inuman kapag maraming pulutan, di ba Vince?”
“Oo. Pero mas masarap ang kuwentuhan.”
“Tama ka riyan, Vince.”
“Siguro marami kang nakakatuwang kuwento sa Saudi ano?”
“Meron din.”
“Makakarinig din ako ng kuwentong Saudi, he-he-he!”
“Oo. Umpisahan natin nang maaga para marami akong maikuwento.”
“Sige, Renan.”
“Mga alas-otso ng umaga, simulan na natin.”
“Sige, Renan.”
“Dito tayo sa bakuran para presko ang hangin.”
(Itutuloy)
- Latest
