Ang Kapitbahay (80)
“SAAN kayo nagpunta ng dati mong bf?’’ tanong ni Vince kay Margie na tila nasasabik sa mga sumusunod na nangyayari.
“Sa motel—sa Sta. Mesa.”
“Dun agad?”
“Kumain muna kami sa isang restaurant sa Cubao.”
“Pagkatapos?”
“Nagkuwentuhan ng kung anu-ano habang kumakain.”
“Tulad ng ano?”
“Mga nangyari pagkatapos naming magkahiwalay noong nasa fourth year high school kami.”
“Bakit nga ba kayo nagkahiwalay o nagka-break ng nobyo?”
“Basta nagkalabuan kami—parang nagsawa kami sa isa’t isa. Basta hindi na kami nagkita pagkatapos ng graduation nung high school.”
“Wala na talaga kayo? Wala man lang formal breakup na nangyari?”
“Wala.”
“Hindi na kayo nagkita mula nun?”
“Hindi na.”
“Wala kang balita sa kanya?”
“Nung mag-aral ako ng kolehiyo rito sa Maynila, isang dating classmate naming babae ang nagbalita sa akin na dito rin sa Maynila nag-aaral ang dati kong bf. “Yun lang ang nabalitaan ko. Pagkatapos ay wala na. Hanggang maging boyfriend ko na itong mister ko ngayon.”
“Ilan lahat ang naging bf mo?”
“Dalawa lang.”
“Hindi mo na nakita ‘yung una?”
“Hindi na.”
“Pero umaasa ka pa rin?”
“Medyo.”
“Mahal mo pa rin?”
“Oo.”
(Itutuloy)
- Latest
