Ang Kapitbahay (77)
“Mahirap daw mambabae sa Saudi dahil mahigpit ang batas dun,’’ sabi ni Vince kay Margie.
“Hindi totoo ‘yun! Mas mahigpit ang batas, mas natsa-challenge ang mga salawahang lalaki.”
“Ganun ba ‘yun?”
“Oo. Marami na akong napagtanungan na kasamahan ng mister ko sa trabaho at nagkumpisal sila sa akin—totoong may babae roon ang mister ko.”
Napatangu-tango si Vince. Talagang nag-imbestiga na si Margie.
“Ang galing mong mag-imbestiga! Hindi ka nahalata ng mister mo?”
“Hindi.”
“Kinumpronta mo siya ukol dun?”
“Hindi!”
“Bakit?” takang-taka si Vince.
“Basta.”
Napamaang si Vince. Hindi niya maintindihan si Margie.
Nang magsalita si Margie, saka nalaman ni Vince ang lahat.
“Ginantihan ko na lang siya!”
“Paanong ganti?”
“Kung ano ang ginagawa niya sa akin, ‘yun din ang ginagawa ko sa kanya!”
Gimbal si Vince.
(Itutuloy)
- Latest
