Ang Kapitbahay (61)
KINUHA ni Marge ang cell phone na iniabot ng anak at saka pumasok sa bahay.
Nagkatinginan sina Vince at ang anak ni Marge.
Sumunod ito sa ina sa loob.
Papasok na sana si Vince sa kanyang bahay nang biglang lumabas si Marge at lumapit sa kanya.
“O tapos na ang pag-uusap n’yo ng mister mo, Marge?” tanong ni Vince.
“Oo.”
“Ang bilis naman?”
“Sinabi lang na nagpadala siya ng remittance.”
“Ah.”
“Bukas na lang daw uli siya tatawag.”
“Sarap ng buhay mo, Marge, tanggap na lang nang tanggap ng biyaya.”
“Hindi rin, Vince. Saglit lang gastusin ang pinadadala ng mister ko.”
“Kulang?”
“Oo sa rami nang pinagbabayaran. Nag-aaral pa ang anak namin.”
“Sabagay. Mahal ang mga bilihin ano?”
“Ano nga ‘yung pinag-uusapan natin kanina, Vince? ‘Yung bago ako tawagan ng mister ko?”
“Ah tungkol sa naging siyota ko nung high school.”
“Oo ‘yun nga! Ba’t hindi mo siya hanapin? Malay mo single pa.”
“May asawa na ‘yun!”
“Naks alam mo pa rin ang mga nangyayari sa dati mong siyota, ha?”
“Nabalitaan ko lang.”
“Hindi raw namamatay ang unang pag-ibig—totoo ba yun, Vince?”
Ewan ko, Marge.”
“Pero mahal mo pa rin siya?”
“Hindi na.”
(Itutuloy)
- Latest
