Ang Kapitbahay (59)
INIBA ni Marge ang usapan.
“Kakilala mo ang dating nangupahan dito, Vince?” tanong nito.
“Oo.”
“Okey silang kapitbahay?”
“Okey naman. Kaibigan ko pareho ang mag-asawa.”
“Mababait?”
“Oo. Nakakainuman ko ang mister. Mga edukado sila. Tahimik,” sabi ni Vince. Hindi niya sinabi ang totoo na ang bahay ay ginawang pugad ng number 2.
“Umiinom ka Vince?”
“Kaunti.”
“Tamang-tama pala pag-uwi ng mister ko, galing Saudi ay mag-inuman kayo.”
“Malakas ba siyang uminom?”
“Hindi naman—sakto lang.”
“Ah parehas kami—hindi rin ako malakas uminom.”
“Magkakasundo kayo ng mister ko.”
“Anong name ng mister mo, Marge?”
“Renan.”
“Kailan ba ulit ang vacation niya?”
“Next year—kaaalis lang niya kasi.”
“Sana maging magkaibigan kami ni Renan.”
“Ay oo, magiging magkaibigan kayo nun —mabait ‘yun!”
“Kasingbait ko rin siguro.”
“Mabait ka ba?”
“Medyo.”
“Ang mister ko talagang mabait.”
“Hindi chickboy?”
“Sa pagkaaalam ko ay hindi—pero ewan ko rin.”
“Hindi ka sure?”
Tumango si Marge.
(Itutuloy)
- Latest
