Ang Kapitbahay (58)
“JOKE lang, Vince,’’ sabi ni Marge at ipinagpatuloy ang pagwawalis sa mga laglag na dahon.
“Balak ko ngang putulin na ang Indian mango para wala nang wawalising dahon.”
“Aba huwag! Sayang naman. Maraming bulaklak o.”
“Oo nga. Laging hitik sa bunga ‘yan. Walang tigil sa pagbunga ‘yan.”
“Kapag nagbunga, bigyan mo ako, Vince.”
“Oo. Ikaw pa.”
“Salamat.”
“Mahilig ka sa mangga, Marge?”
“Oo—sarap isawsaw sa bagoong.”
“Ako hindi masyadong mahilig.”
“E di ako pala ang magsasawa sa bunga ng Indian mango mo, Vince?”
“Palagay ko nga.”
“Tamang-tama pala ang pagtira ko rito—daming Indian mango, ha-ha-ha!”
“Oo nga! Suwerte mo, Marge.”
“’Yung dating nangupahan dito, ka-vibes mo, Vince?”
“Oo.”
“Mag-asawa?”
“Oo may isang anak.”
Hindi sinabi ni Vince na magkalaguyo ang tumira.
“Bakit umalis dito?”
“Nakabili na ng sariling bahay.”
“Ah.”
“Mabuti pa ‘yun may sariling bahay—kami wala pa.”
“Kaya mo namang bumili dahil malaki ang suweldo ng mister mo.”
“Ewan!”
“Bakit?”
Hindi sumagot si Marge.
(Itutuloy)
- Latest
