Bubot na Bayabas (168)

MARAMING ipinakikitang kakaiba ang kambal na sina Doro at Thea na hindi bagay sa kanilang edad. Masyadong advance ang pag-iisip ng dalawa. Ang mga kasing-edad nila ay hindi magagawa ang mabilis na pag-akyat at pagbaba sa puno na parang balewala lang. Maski ang mga gawain sa bahay gaya ng pag-vacuum sa sopa at sahig ay nagagawa ng dalawa.

Ang lubhang nakahahanga sa kambal ay ang ipinakikitang katalinuhan. Kapag nag-aaral ang dalawa, kayang ­imemorya ang laman ng libro. Hindi pangkaraniwan ang talino ng dalawa. Nagkakatotoo ang sinabi ni Kit (kaibigan ni Apol) na ang kambal ang magdadala ng suwerte.

Pero ang tanong ni Apol at Guava, kailan iyon?

(Itutuloy)