Bubot na Bayabas (154)
“HINDI kaya kambal ang anak natin, Guava?” tanong ni Apol habang hinihimas ang tiyan ng asawa.
“Malalaman naman kapag nagpa-ultrasound.”
“Mga kailan yun?”
“Kapag five months yata—pati ang gender ng baby, malalaman na rin.”
“Okey ba sa’yo kung kambal ang maging anak natin?”
“Oo naman. Pero baka mahirapan ako sa panganganak.”
“Sana hindi ka mahirapan.”
“May awa ang Diyos, Apol. Kung kambal ang kaloob sa atin e di tanggapin.”
“May lahi ba kayong kambal?”
“Wala akong alam.”
“Kami rin wala akong alam na may kambal sa angkan namin.”
“Baka naman talagang malaki lang ang pagbubuntis ko, Apol. Mayroong ganun di ba?”
Tumango si Apol.
“Ano nga palang ipapangalan natin sa ating baby, Apol?”
“Hmmm, kapag babae e di Guapol.”
“Puro ka kalokohan!”
“Kapag lalaki naman e Pogua.”
“Bakit Pogua?”
“Binaliktad ng Guapo.”
“Korni! Ha-ha-ha!”
Niyakap ni Apol si Guava.
“Alam mo, malakas ang kutob ko na ang anak natin ang magdadala ng suwerte.”
“Ganyan din ang nadarama ko, Apol.”
(Itutuloy)
- Latest
