Bubot na Bayabas (93)
PAGKATAPOS mag-almusal, inihatid na ni Apol sa tinutuluyan nitong room si Guava.
“Bukas ka na pumasok sa opisina, Guava. Baka mabinat ka.”
“Oo Apol. Magpapahinga muna ako maghapon.”
“Baka mayroon kang iuutos e sabihin mo na habang narito pa ako. Baka wala kang sabon, toothpaste, tissue paper, e ibibili kita.”
“Kumpleto pa ako ng gamit Apol. Salamat.”
“Paano ang pagkain mo?”
“Kaya kong magluto. Marami naman akong stock sa ref.”
“Basta kung masama ang pakiramdam mo, text o tawagan mo lang ako.”
“Oo.”
“Kapag may kakaiba o misteryosong nangyari, ipaalam mo agad sa akin.”
“Alam ko ang ibig mong sabihin, Apol—yung tungkol sa babaing napanaginipan ko.”
“Oo. Baka mapanaginipan mo uli.”
“Kailangang may malaman ako sa babae para matigil na ang misteryo.”
Tumango si Apol.
“Aalis na ako. Magpahinga ka na, Guava.”
Hahakbang na si Apol palabas nang tawagin ni Guava.
“May ibibigay ako, Apol.”
“Ano?”
Lumapit si Guava at hinalikan si Apol.
(Itutuloy)
- Latest
