Bubot na Bayabas (5)
“PARENG Apol!”
Nagulat si Apol sa tumawag. Busy siya sa pagpitas ng mga hinog na bayabas. Nang tingnan niya kung sino—si Kit. Kaibigan niya. Inaanak niya ang panganay nito.
“Nasaan ka Pareng Apol?”
“Narito sa taas ng bayabas!”
Pumasok si Kit.
“Anong ginagawa mo?”
“Kinukuha ko ang mga hinog. Sayang kung malalaglag lang.”
“Bigyan mo ako. Paborito ni Sweetheart ‘yan.”
“Tamang-tama. Maraming hinog.”
Pagkatapos makuha ang lahat ng hinog ay bumaba na si Apol.
“Eto dalhin mo kay Kumander mo. Masarap ‘yan at bagong pitas.”
“Paborito niya ang bayabas, Pareng Apol.”
“Bakit ka naman napasyal? May kailangan ka ba?”
“Wala yayayain kitang tomoma. May Black Label ako.”
“Sige, kunin mo. Magluluto ako ng pulutan.”
“Okey. Dalhin ko na itong bayabas.”
Umalis na si Kit.
Nagluto ng pulutan si Apol. Nagprito siya ng tilapia. Lagi siyang may stock na pagkain sa ref.
Maya-maya dumating na si Kit. Dala ang Black Label.
“Pareng Apol eto na iinumin natin.”
“Sandali at maluluto na itong tilapia.”
(Itutuloy)
- Latest
