Dioscora (16)

“NANALO ka yata sa jueteng, JC, he-he-he!’’ sabi ni Mulong matapos abutin ang limandaang piso.

“Binigyan ako ni Mam Dioscora. Natuwa dahil naibalik ang kanyang wallet.’’

“Ang bait niya talaga ano, JC?’’

“Oo. Akala raw kasi niya, talagang hindi na maibabalik ang wallet e mahalaga pa naman daw ang mga ID at credit card niya. Akala nga raw ay kung saan nalaglag.’’

“Mabuti nga at dito sa ating shop naiwan. Safe na safe ang wallet niya rito.’’

“Ayaw ko ngang tanggapin ang ibinibigay niya pero pinagpilitan. Hindi na ako tumanggi.’’

“Nabaitan din siguro sa’yo.’’

Napangiti lang si JC.

“Mabait ka naman talaga at guwapo pa.’’

“Gusto mo dagdagan ko pa ‘yang five hundred, Mulo?’’

“Sige!’’

Nagtawanan sila.

KINAGABIHAN nang dumating si JC sa bahay ay nakaabang na si Maria.

“Kuya nagbayad na ako ng graduation fee.’’

“Wala ka nang ibang babayaran?’’

“Hindi ko pa alam Kuya.’’

“Sabihin mo kung meron pa.’’

“Oo Kuya. E siyanga pala, paano ka nagkapera Kuya.’’

Sinabi ni JC na binigay ng isang babaing nakaiwan ng wallet sa shop. “Natuwa at naibalik ang wallet niya.’’

“Ang bait naman. Anong name niya Kuya?’’

“Dioscora.”

— Itutuloy