Halimuyak ni Aya (376)

“BAKA naman mayroong hinihintay. Baka natataon lang, Aya…” sabi ni Sam habang nakatingin sa kotse ni George na nakaparada sa di-kalayuan.

“Ilang araw na, Sam. Nagkataon lang ba yun?”

“Pero napansin mo na sinusundan ka maski hanggang sa condo? Pagbaba mo, napansin mo rin?”

“Hindi. Dito lang paglabas ko.’’

“Baka nga nagka-taon lang, Aya.’’

“Masama ang kutob ko.’’

“Lagi na lang kitang susunduin mula ngayon.’’

“Talaga, Sam?”

“Oo. Malapit na namang matapos ang review ko. Next month, Board na.’’

“Magdadasal na ako na mag-top ka. Makapagsimba nga sa Quiapo.’’

“Sa Biyernes, magsimba tayo. First Friday. Tapos pagkatapos nating magsimba, bumili tayo ng lumpiang sariwa sa Raon.’’

“Sige, miss ko na ang lumpia, Sam.’’

Isang taxi ang nakita ni Sam. Kinawa-yan. Lumapit. Suma-kay sila. Umalis agad nang sabihin ni Sam ang pupuntahan.

Nilingon ni Aya ang kotse na nakaparada sa di-kalayuan.

“Ano, umalis ba? Nakabuntot ba?” ta­nong ni Sam.

“Hindi. Naroon pa rin.’’

“Sabi ko sa’yo, baka nagkataon lang.’’

“Ewan ko. Pero nagdududa pa rin ako.’’

“Uuwi na ba tayo o kumain muna tayo tapos manood ng sine.’’
“Sige.”

Sinabi ni Sam sa driver na sa isang mall na sila tumuloy.

Sa isang bagong restaurant sila humantong. Habang hinihintay ang order napansin ni Aya na nagpapatubo ng balbas si Sam.

“Ano yan, new look sa 2014?”

“Medyo.’’

“Bagay naman, mukha kang Arab, he-he.’’

“May pangkiliti na ako, he-he.”

“Bastos.’’

“Mabuti na naka-handa ako. Para pagdating ng honeymoon natin e walang problema.’’

Kinurot ni Aya si Sam.

“Sa Linggo, bisitahin natin si Tita Sophia, miss ko na siya Sam.’’

“Sige.’’

Inabot sila ng gabi sa mall. Hindi nila alam, nakasubaybay pala si George. Nasundan sila sa mall.

(Itutuloy)