Black Pearl (10)
HINDI pa nga inaantok si Melissa at gusto pang makipagkuwentuhan. Ikuku- ha pa ako ng minatamis na saba. Kakahiya naman sa kanya.
“Etong minatamis na saba, Frank. Masarap,” sabi ni Melissa habang dala ang dalawang tasa may lamang saging na saba. Nang iba- ba sa harapan ko at yumu-ko ay iniwasan kong sulya-pan ang nag-aanyayang mga dibdib. Kawawa naman ang kaibigan kong si Fer nando kapag hinayaan kong pangibabawan ng kataksilan. Ayaw ko!
Tumabi na sa akin si Me-lissa. Kung kanina ay may pagitam, ngayon ay malapit na lang — mga isang dangkal.
“O kumain ka na. Masa-rap ang gatas na nakalagay diyan, gatas ng baka.”
“Ow?” “Totoo. Me mga gatasan kaming baka at tuwing umaga e dinadala ng mga tauhan naming.”
“Bilib na ako kay Fernando. Talagang nailagay niya sa maayos ang perang pinaghirapan sa Saudi.”
“Mahusay humawak ng pera si Fernando. Talo nga niya ako.”
Tinikman ko ang saba na may kinaskas na yelo at ga-tas ng baka. Wow, malinamnam nga.
“Anong lasa, Frank?”
“Masarap nga.”
“Tamang-tama ang tamis ano? Sariwa ang gatas kaya nalalasap.”
“Parang gusto ko na ngang dito na manirahan sa Pinamalayan.”
“Ikaw lang e. Sabi ko nga sa’yo dito ka na lang para maligayahan si Fernando.”
“Ang problema e hindi ko pa nga alam kung ano ang gagawin ko rito. Kung magtatanim ba ako o magnenegosyo.”
“Magtanim ka na lang. Maganda ang lupa rito. Yung kape at kakaw ni Fernando, talagang boom na boom. Nasuwertehan kasi na talagang angkop ang lupa na binili niya.”
“Ano pa bang magandang itanim kaysa kape o kakaw, Melissa?”
“Di ba nasabi mo gusto mo e mga bungangkahoy, lasing ka na yata Frank…”
“Hindi pa. Kung lasing na ako e di sana e nagkabuhol-buhol na ang dila ko.”
“Sabi mo pa, uso ang mga herbal ngayon.”
“Ah oo nga ano. E di mas maganda siguro e mangosteen ang itanim ko.”
“Yun puwede yun. Kasi ang balat daw ng mangos-teen e ginagawang tableta para gamot sa diabetes.”
“Talaga?”
“Alam ko ganon ang silbi nun.”
Sinubukan kong biruin.
“E kung talong kaya ang itanim ko, Melissa.”
Napatingin sa akin si Melissa. Para bang namalisyusuhan siya.
“Ikaw Frank, ha.”
“Bakit?”
“Wala.”
“Puwede bang talong Melissa?”
“Bahala ka. Itanim mo sa pagitan ng mani.”
Napalunok ako.
(Itutuloy)
- Latest
- Trending
