Ellang (140)

(Kasaysayan ni M.R.A. ng Riyadh, KSA)

MABAIT ang Ob-Gyne doctor sa Pinamalayan. Tsinek-ap niya ako. Okey naman daw ang pag-    bu­buntis ko. Wala raw  akong dapat ipag-alala. Aala­gaan daw niya ako hang­gang sa makapa­nganak.

Pagkatapos magpa­check-up ay pinasyal kami ni Nanay Encar sa palengke. Bumili kami    ng mga prutas at isda. Sabi ni Nanay Encar ka­ ilangang kumain ako  ng mga sariwang prutas      at isda para maging ma­lusog ang aking isi­si-lang. Naniniwala siyang kapag husto sa sus­tansiya ang kinakain ng ina, magiging malakas at ma­talino ang bata.

“Yung mga anak ko,  hindi sa pagmamaya-bang  ay matatalino. Ka­si’y ma­susustansiya ang kina­kain ko. Iyan ang dapat mala­man ng mga ina,” sabi ni Nanay Encar.

“Iyan din ang sinasabi ko kay Ellang noon pa,” sabi naman ni Inay.

“Mula ngayon, kakain   ka na ng masusustan- siya  at tingnan natin pag hindi lumabas na mata-lino at maganda o pogi ang anak mo…”

Bumalik na kami sa Pambisan na halos ma-puno sa groceries, prutas, isda, karne at iba pa ang sasakyan naming Revo. Pang-isang linggo na    raw naming pagkain iyon sabi ni Nanay Encar. Sa Linggo na muli ang aming pamimili sa bayan. Ni singko ay hindi kami pi­naglabas ni Nanay Encar. Siya raw ang bahala sa lahat at huwag kaming mag-aalala. Nag­biro na marami siya niyon dahil nga sa nakuha niyang pera sa namatay   na asa­wang seaman. Bukod daw doon ay ku­mikita     pa rin siya sa mga pi­nagbebentahan ng kan­yang copras, saging, rambutan at sinturis. Malaki ang kanyang taniman sa Pambisan.

Kinagabihan ay hindi    ko inaasahan ang big­lang pagtawag ni Sister Cynth. Matutulog na kami ni Inay dakong alas-otso nang biglang mag-ring ang cell phone ko.

“Hello?”

“Sister Ellang! Si Sister Cynth ito.”

“Kumusta po Sister?”

“Mabuti naman.”

“Narito na po kami sa Oriental Mindoro, Sister. Dito po muna kami hang­gang sa makapanganak ako.”

“Okey naman ba ang lagay n’yo?”

“Maayos po. Napaka­bait ng babaing kumu­kupkop sa amin, Sister.”

“Purihin ang Diyos sa magandang kalagayan     mo ngayon Ellang. Kung mayroon ka pang kaila­ngan, e tumawag ka sa   akin ha?”

“Opo Sister Cynth. E, Sister, me balita ka po ba kay Dolfo?”

Natigilan si Sister Cynth.

“Wala pa, Sister El­ lang. Pero minsang tu­mawag  ako sa opisina nila e si­nabing baka hin-di na raw bumalik dito     si Dolfo…”

Nalungkot si Ellang. Siguro nga ay nagka­balikan na si Dolfo at ang asawa nito.

“Hayaan mo Sister   at kapag may nalaman ako kay Dolfo, ay baba­litaan kita.”

“Salamat po.”

(Itutuloy)