Ellang (ika-75 na labas)

IYON ang isang ma­ hirap sa mga Saudi na para bang sila ay laging nagdududa sa kapwa. Kahit na ma­bait at edukado si Sir ay nararamdaman kong tila mayroon siyang hinala kung saan ako nagpunta. Naisip ko rin naman na baka iyon ay sus­petsa ko lamang dahil guilty ako — nagsinu­ngaling sa kanya. Gayunman, wala na­mang ibang sinabi sa akin si Sir. Siguro rin ng mga oras na iyon ay wala siya sa mood. Baka tinarayan ng buntis kong among babae. O wala siya sa mood dahil, “kulang” siya “roon”. Kapag bun­tis ang babae siyempre, hindi siya “magagalaw” ng asawa. Siguro nga ay ganoon. Aywan ko.

Malayo pa ang Bi­ yernes, pero pinroble­ma ko na kung paano ako makaka-attend ng prayer meeting sa may Shoula. Payagan kaya uli ako ni Sir? Baka makahalata na siya kung bakit parating Biyernes ako nagpu­punta sa Batha. Naalala ko ang mga sinabi nina Sister Cynth at Bro. Ben na kailangang doble ang pag-iingat ko sa­pagkat mainit sa mata ng awtoridad ang pagti­tipong may kinala­man sa relihiyon. Kapag na­timbog, pare-pareho kaming makukulong, at baka mauwi sa pugot-ulo. Kinilabutan ako.

Ganoon man, sinu­bukan ko uling magpa­alam kay Sir. Wala na­mang masama kung magsasabi ako. Gano­on na lamang kasi ang pagnanais kong maka­dalo. “Uhaw na uhaw” talaga ako sa mga salita ng Diyos at nakaka-inspired ang mga testi­monya ng mga duma­dalo sa pagtitipong iyon. Hindi ko maipaliwanag ang nadarama sa pag­nanais na muling ma­kadalo. At inaamin kong nawala na nga ang mga sakit, hirap, kirot ng kalo­obang nadama sa ginawa ng hayop na si Pol.

Nilapitan ko si Sir habang nakaupo na­man sa sopa. Walang gatol akong nagsabi. Pero hindi ko pa nata­tapos ang pagsasabi ko, nabara na agad ako.

Isang matigas na “La!” ang isinagot niya. Lupaypay ako.

Pero may malaking dahilan naman pala kaya mabilis ang pag­tutol niya. May darating daw na bisita. Mga kapatid ni Madam na galing sa Abha. Umaga ng Biyernes daw ang dating.

Patay na ako sa dami ng trabaho!

Agad kong kinontak ng araw na iyon si Sister Cynth. Sinabi kong hindi ako makakadalo dahil may bisita kaming darating.

“Sayang! Marami pa namang dadalo bukas,” sabi ni Sister Cynth. “Maraming magsasa­lay­say ng kanilang ka­saysayan na makaka­inspirado at makapag­papalakas ng panini­wala kay Lord.”

“Nanghihinayang po talaga ako Sister. Kaya lang wala akong magawa.”

“Sige. Basta sa susunod na Biyernes ay dapat narito ka. Ipagdarasal ka na­min, Ellang.”

“Salamat, Sister Cynth.”

Kinabukasan nga ay dumating ang mga bisita galing Abha. Tatlong kapatid ni Madam, dalawang babae at isang lala- ki. Ang lalaki ay si Rashid na sa tantiya ko ay mga 17-anyos.

(Itutuloy)