Patrick  Stewart, mipanaw

CEBU, Philippines — Mitaliwan  na ang beteranong award-winning actor nga si Patrick Stewart niadtong Oktubre 28, 2026 sa edad nga  86. Suma pa sa iyang pamilya, namatay si Stewart sa iyang pinuy-anan sa Los Angeles, California, human sa pakigbisog niini  batok sa Alzheimer’s disease ug Lewy body dementia.

Nailhan si Stewart sa iyang mga papel isip Captain Jean-Luc Picard sa sikat nga seryeng Star Trek ug Professor Charles Xavier sa X-Men .

Nanumpa og balik 

Mi-renew sa ilang wedding vows sila Nadine Samonte ug ang iyang bana nga si  Richard Chua niadtong Miyerkules didto sa Tagaytay .Nitambong sa maong espesyal nga okasyon ang ilang tulo ka anak nga sila si Heather, Titus, ug Harmony,  uban sa suod nga mga paryente ug higala.Lakip sa mga bisita kay sila Marco Gumabao, Lorna Tolentino, Cory Quirino, Yasmien Kurdi, Joko Diaz, Rico Maierhofer, Yassi Pressman ug uban pa.

Nakasinati og diskriminasyon

Gipaambit sa aktor nga si Ruru Madrid ang iyang dili maayong kasinatian sa usa ka restaurant didto  sa Spain, .Suma pa  ni Ruru, gilabay sa usa ka kawani ang iyang pagkaon sa iyang atubangan, hinungdan nga iyang gisumbong ang maong insidente ngadto sa manager  sa restaurant .Nangayo og  pasaylo ka niya ang maong staff ug gitagaan pa siya og cake.

Mibisita sa Balay ni Kuya

Gisurpresa nila Piolo Pascual, Darren Espanto, Kyle Echarri, Iñigo Pascual, River Joseph ug Emilio Daez ang mga housemate sa Pinoy Big Brother: Collab Edition 3.0 atol sa pagsaulog sa adlawng natawhan ni Shea Valerio. Mas gikilig si Shea dihang tagsa-tagsa siyang gikantahan sa mga aktor. Nakahigayon usab siya nga maka - holding hands si  Piolo.