Magtiayong Ouano-Dizon gireklamo sa ombudsman
CEBU, Philippines — Radio Broadcaster, Sports Analyst ug kasamtangan nga International Boxing Judge Edward Ligas niduso og reklamo sa Office of the Visayas Ombudsman kagahapon batok nila ni Mandaue Congresswoman Emmarie Dolores "Lolypop" Ouano-Dizon ug sa bana niini nga si Opao barangay captain Nixon "Jojo" Ting Dizon.
Kini may kalabutan sa Plunder, Graft and Corruption ug falsification of public documents.
Sa dul-an 20 ka pahina nga reklamo ni Ligas giawhag niini ang Ombudsman nga pormal nga moimbestigar sa magtiayon sa pagbaton nila sa tipik sa luna nga niabot sa 2,500sq meters isip kabahin sa 186 hectares nga reclamation contract tali sa siyudad ug developer.
Matud pa ni Ligas nga kwestyonable ang pag acquire sa luna ubos sa Deed of Absolute Sale niadtong Dec 16, 1992 gikan sa kinatibuk-an nga Reclamation Area diin wala pay titulo adtong panahona kung dili gi survey lang, gi subdivide ug natitulohan pipila ka tuig.
Si Ligas, kinsa naila nga supporter ni suspended Mandaue City Mayor Jonas Cortes miingon nga way nagpaluyo nga politika sa iyang aksyon.
Dugang niya nga ang iyang pagsang-at sa reklamo tungod kay gusto siya nga mabawi sa lokal nga kagamhanan ang luna sa gobyerno.
Samtang si Kongresista Dizon sa iyang bahin nakapangutana kung krimen ba diay ang usa ka private citizen nga makapalit ug yuta gikan sa private developer.
Dugang ni Dizon nga wala silay nahimo nga sayop ug sayud siya nga anaa kanila ang kamatuoran. (BANAT NEWS)
- Latest
