CEBU, Philippines - Mobiya na karong adlawa paingon sa Taiwan ang Gilas Pilipinas alang sa 2017 William Jones Cup nga sugdan ugma didto sa Taipei Peace International Basketball Hall.
Mangulo sa Gilas mao ang mga PBA players nga sila si Troy Rosario, RR Pogoy, Jio Jalalon, Mac Belo ug Matthew Wright. Moduwa usab sa labing unang higayon sa Gilas ang mga amateur standout nga sila si Kiefer Ravena, Kobe Paras ug Fil-German nga si Chris Standhardinger.
Mokompleto sa line-up sa national team mao sila si Reymar Jose, Almond Vosotros, Baser Amer, Mike Tolomia, Carl Bryan Cruz, Ed Daquiaog, Von Pessumal, Alfonso Gotladera ug ang import nga si Mike Myers.
Bisan pa og wala ang presensiya sa mga PBA stars, si Gilas coach Chot Reyes positibo nga nindot ang resulta unya sa ilang kampanya sa maong torneyo nga magsilbe nilang tune-up games alang sa FIBA Asia Cup sa Agosto didto sa Lebanon. (BANAT NEWS)