SWU nakabawos sa UV, kampiyon sa NCC

CEBU, Philippines -  Nakabawos dayon ang Southwestern University (SWU) Cobras sa dili pa lang dugay sa masakit kaayong kapildihan sa

University of the Visayas (UV) Green Lancers pinaagi sa pagpilde, 68-60 aron sakmiton ang Southern Islands title sa National Collegiate

Championship kagabii didto sa Cebu Coliseum.

 Nakita dayon ang epekto sa pagkawagtang ni Mike Harry Nzuesseu sa line-up sa Lancers dihang sayo kaayo silang naunhan sa

Cobras, kinsa mihimo dayon og 10-0 run ug ilang gitapos ang first quarter sa iskor nga 23-7.

 Daling miburot ang labaw ngadto sa 25 puntos, 34-9 sa uwahing bahin sa second period tungod sa pagka palyar sa opensa sa

Lancers.

 Wala na tugoti sa Cobras nga mausban sila sa Lancers, kinsa pisikal kaayong nakadepensa. Gipakita sa Cobras nga dili lang sila

mas preparado ,apan mas gusto  silang mobisita sa Manila diin miabante na sila sa NCC Final Four.

 Usa na lang ka luna maoy wala pa masayri tungod kay padayon pa ang Luzon Islands Championship ug mauban karon sa

Cobras sa Final Four mao ang UAAP champion Dela Salle University (DLSU) Green Archers ug NCAA champion San Beda Red Lions.

 Ang Final Four sugdan sa ikaduhang semana sa Disyembre.

 Nianang higayona, mobalik na si Mark Jayven Tallo sa Manila diin iyang ikasangka ang kanhi niyang team, ang Green Archers.

 Pisikal kaayo ang gihimong depensa sa Lancers nga miresulta sa upat nila ka unsportsmanlike fouls -- tagsa silang John Abad,

Chris Perolino, Francisco Arong ug Steve Cedrick Akomo.

 Ang maong mga unsportsmanlike fouls naghatag og walo ka oportunidad sa Cobras didto sa free throw line gawas sa dugang

upat ka ball possessions nga daku kaayo’g gikatabang sa Cobras sa pag-inat sa ilang labaw.

 Daku kaayo'g labaw ang Cobras sa halftime, 37-16, apan hinay-hinay kining naapas sa Lancers didto sa third period. Ilang na-

outscore ang Cobras, 19-12 aron tapuson ang maong kuwarter, 35-49.

 Apan sa wala pa matapos ang third period, na-ejected si UV coach Felix Belano human siya mosulod sa korte tungod sa iyang

kalagot sa referee. Mipuli niya ang iyang assistant nga si Ferdinand 'Bong' Pineda.

 Nahimong kulbahinam ang duwa sa final period dihang misikit ang Lancers nga nagpakita sa tinuoray nilang UV spirit, 60-64 sa

katapusang 1:04 sa duwa.  Apan mao kadto ang katapusan  nilang hunat.

 Si Monbert Arong maoy nangu sa Cobras sa iyang 24 puntos samtang si Landry Sanjo miamot og 15 puntos.

 Ang Lancers gipangulohan ni Akomo nga mihakot og 15 puntos, gisundan ni  John Abad nga adunay 10 puntos. (BANAT NEWS)