Imagine, gibanabana nga adunay 50 mil ka toniladang bugas humay ang gipayuhot nganhi sa atong nasud matag semana sa miaging tuig! Matud sa akong gikaistoryang tambay: “Imagine of that!â€
This would translate to 2,000 containers a week. Kadagku ining mga container, unya, wa gyud ni makit-i sa taga-Customs? Sa 2,000 containers, waa gyu’y nakit-an bisa’g usa na lang ka container?
Unya, niining 2,000 containers, wa gyu’y nailhan kinsa ang mga consignee, ug kinsa ang mga shippers? Pagkarga ug pagdiskarga niini sulod ug gikan sa mga container, wa gyu’y nakakita niini nga taga-Customs?
Pag-deliver sa 50,000 bags of rice, wa gihapoy taga-Customs nga nakakita ini? Diin man sad ni i-deliver? Ang trucking nga gigamit kang kinsa man? Maayo pa tingali i-commission ug i-authorize ang mga tanod pagtabang pagbantay sa mga kalihokan sa pantalan. O ang mga kargador patabangon sila’g bantay.
Ug nganong nahibawo man ang taga-Customs niining maong gidaghanon sa bugas nga gi-smuggle nganhi sa atong nasud? Ug sa ilang pagkahibawo, nganong wa man nila santaa? Nganong miabot ma’g usa ka tuig ang ilang operation? Pastilan!
Yes, Noy, why don’t you appoint Mayor Duterte Commissioner of Customs? Kana kun sincere ka ug ang tibuok gobyerno pagsanta sa rice smuggling. Magduda man lang pud ta ini nga konsabo ang gobyerno ini, hinungdan nga dili mamatikdan ang pagpayuhot og 50,000 bags of rice matag semana!
Kahinumdom ko nga pagka-Commissioner of Customs ni Climaco (taga-Mindanao), nasanta gyud ang smuggling. Tingali it will take another Mindanaonon to curve smuggling.
Ug niining tungura, inigka-Commissioner of Customs na ni Duterte, wala nay makapa-shut up kaniya.
Sa Senate investigation, mi-claim ang Bureau of Customs nga kuwang kuno sila sa funding. Dili kuno paigo ang intelligence fund nga gigahin alang kanila. Nganong magkinahanglan man og intelligence ang pagsusi kinsay shipper sa bugas, diin gikan, kinsay consignee, ug asa i-deliver?
Ug ang mga barko nga gikargahan, wa ba diay sila abti og pagduda nga 2,000 containers gud matag semana, subay sa bills of lading, diin klaro ang shipper ug ang consignee? Wa ba sila makahunahuna pag-report ngadto sa BOC aron masusi di ba fictitious ang mga ngalan nahimutang sa bill of lading?
Again, “imagine of that,†usa ka tuig nga nagpahuyot og bugas, 50,000 bags, 2,000 containers matag semana, wa gyud kamatikod sa atong gobiyerno? O, gipasagdan lang!
Sa atong pagsulat niini, naglibog pa ang atong gobyerno, kun kinsay ilang ikiha isip smuggling king. Hinuon, daghan na kaayong mga unsolved heinous crimes nga nanghitabo sa nasud. Busa, dili ikahibung kun dili kita makasulbad sa rice smuggling.