Textmate

Naglami g’yud ang pagparayganay nila ni Dante ug Linda didto sa balcony sa sinehan. Wala na gani sila mahinultol pagtan-aw sa salida. Layo ra sila sa pipila ka tawo nga mitan-aw usab sa salida didto sa balcony mao nga nakahigayon g’yud si Dante pag-arangkada kang Linda.

Wala na mobalibad si Linda dihang giingnan ni Dante nga mamiya sila sa sinehan ug mobalhin sa laing lugar nga makalugar g’yud sila’g maayo sa pagparayganay. Dali ra nga nakasabot si Linda kun unsay buot ipasabot ni Dante. Nakasabot siya kun asa ang dapit nga gusto ni Dante nga ilang sunod adtoan.

Misakay sila’g taksi ug gihunghongan dayon ni Dante ang drayber. Tuod, misirit lang pagpadagan ang taxi driver paingon sa Barangay Subangdaku. Gipili ni Dante ang mabugnaw’ng dapit nga anaa ra sa Subangdaku kay duol ra sa SM City.

Gusto niya nga init pa kaayo ang pamatyag ni Linda sa ilang pagparayganay. Samtang nagtupad sila sa pagpanglingkod sa luyo nga lingkoranan sa taksi, padayon nga giparaygan ni Dante si Linda. Wala madugay nakita ni Dante nga misulod na ang taksi sa ganghaan sa motel.

Nabantayan ni Dante nga giunay pagpaak ni Linda ang kaugalingon niya nga mga ngabil. “Grabe ka g’yud kaayo Dan, karon pa lang gani kita magkita imo na ko’ng gidala dinhi,” giingnan ni Linda si Dante dihang misulod na sila sa kwarto sa motel.

“Ayaw na paghuna-huna nga bag-o pa kita nga nagkaila, ang importante nga nagkasabot ta’ng duha,” matud ni Dante. Wala gayud maglangan og higayon si Dante, gikugos niya si Linda. Sanglit cute nga pagkababaye si Linda, sayon ra kini nga gisapwang ni Dante.

Mikumbayot usab si Linda sa liog ni Dante ilabi na dihang mainampingon na siya nga gipahimutang sa lalaki ngadto sa hunol-hunol nga higdaanan. Diha-diha, gikupogan dayon ni Dante si Linda pinaagi sa pag-ukob sa mga ngabil.

Samtang nag-ukobay ang ilang mga ngabil, lihok kaayo ang mga kamot ni Dante nga nagpanghiram sa lainlaing bahin sa kalawasan ni Linda. Nakasugnib kini og talagsaong pagbati sa babaye. Miginhawa’g lawom si Linda.

Nakasabot si Dante nga mibatyag na gayud og kahinam si Linda. “Dante, Dante,” nagpanawag na sa ngalan ni Dante si Linda samtang wala’y hunong siya nga giparaygan sa iyang agresibo kaayo nga textmate.

Talagsaong pagbati ug kabaskog ang gibati ni Dante niining pakigdeyt niya kang Linda. Batan-on pa si Linda kay sa asawa ni Dante ug agresibo pa kaayo sa kumbati sa kama. Hangtud nga miabot ang higayon nga giangkon na gayud sa hingpit ni Dante ang iyang gwapa nga textmate. – Sumpayan