Pangandoy lang

Hinaot sa matag adlaw kanunay kitang kit-an

Sa akong damgo nga daw nag-uban tang duha

Kung makakita lang ko nimo akong dughan mag uros-uros

Wala hisabti kung unsa gayod ang gibati ko alang kanimo

Unsa kaha kini -- gugma na ba o dili?

Naglibog nako kong ipadayon ba nako ang akong pagkagusto kanimo

Nagdahum ko nga usa ka adlaw imo akong tag-don

Nga imung tudloan akong kasingkasing nga moawit

Sa dihang niduol ka ug nisampit sa akong ngalan

Mga mata ningbuka ug murag hangin nga naglutaw

Ang imong pagsud-ong kanako, ang katam-is sa imong pahiyom dili hikalimtan

Nga nagdala kanako og kalipay sa kinabuhi

Apan nahibal-an nako nga naa kay hinigugma

 Murag gidunggab-dunggab ning dughan

Pasagdi nalang  kay nakita nako nga malipayon ka

Bisan sakit, malipayon usab ako sa imong kalipay uban kaniya

Sa akong pagtayhop sa akong pagbati

Samtang sayo pa nga dili molawom

Ako kang hikalimtan apan magpabilin gihapon sa panumdoman

Ug ampingan ang pangandoy nga dili makab-ot