^

Banat Balita

Duha ka top 1 most wanted nasikop

Mitchelle L. Palaubsanon - Banat

CEBU, Philippines — Gidakop sa kapulisan ang duha ka giila nga Top 1 Provincial-Level Most Wanted Persons sa Barangay Pajo, Lapu-Lapu City, sayong gabii niadtong Nobyembre 18.

Ang pagdakop gihimo sa mga personnel sa City Investigation and Detective Management Unit (CIDMU), kauban ang Police Station 9 ug ubang personnel sa Cebu City Police Office (CCPO), pinaagi sa pagpatuman sa warrant of arrest nga gipagawas sa Regional Trial Court, Seventh Judicial Region, Cebu City, niadtong Nobyembre 9, 2026.

Ang duha ka akusado nag-atubang og kaso nga serious illegal detention with homicide ubos sa Article 267 sa Revised Penal Code, as amended, diin walay girekomendar nga piyansa, base sa warrant of arrest.

Matud sa CCPO sa ilang Facebook page nga nagpakita ang maong operasyon sa ilang padayong paningkamot sa pagpangita ug pagdakop sa mga high-profile wanted persons pinaagi sa intelligence gathering, koordinasyon sa nagkalain-laing police units ug makanunayong operasyon sa tracker teams.

Si Police Colonel Ricky Sumalde, acting city director sa CCPO, miingon nga padayon nilang prayoridad ang pagpangita ug pagdakop sa mga wanted persons, ilabi na kadtong nag-atubang og seryosong mga kaso.

“Hindi namin hahayaang manatiling mailap ang hustisya. Patuloy naming tutukuyin, hahanapin, at aarestuhin ang mga taong pinaghahanap ng batas. Ang aming mensahe ay malinaw: walang sinuman ang higit sa batas,” matud ni Sumalde. (BANAT NEWS)

ARRESTED

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with