^

Banat Balita

Tindahan og butane sa Tabogon, nasunog

Romeo D. Marantal - Banat

CEBU, Philippines — Miabot sa kapin P300,000 ang banabana nga kadaot sa sunog nga mitumaw sa usa ka tindahan sa butane sa Sitio Lamac, Barangay Ilihan, lungsod sa Tabogon, Cebu, hapon niadtong Miyerkules, Nobyembre 18.

Gikataho nga ang maong tindahan gipanag-iya sa Bayanihan Gas Corporation. Sumala sa impormasyon gikan kang FO1 Alladin Lentihas sa Bureau of Fire Protection (BFP), nagsugod ang sunog alas 4:11 sa hapon.

Gikan pa sa 11 kilometros ang gilay-on sa fire station nga gigikanan sa mga bombero nga nitubag sa insidente.

Gisaka sa unang alarma ang sunog alas 4:52 sa hapon ug gikontrol alas 6:02 sa gabii, sa wala pa kini opisyal nga gideklarar nga fire out.

Gawas sa tindahan, usa usab ka balay sulod sa compound ang naapektuhan sa sunog.

Sa nigawas nga video sa social media, madungog nga dunay butobuto sa maong tindahan, pagkataud-taod niulbo na ang kalayo gikan sa atop ug sagunson na ang buto-buto hinungdan sa pagdinaganay sa mga tawo.

Wala pa matino ang hinungdan sa sunog padayon ang imbestigasyon sa BFP kalabot sa maong insidente. (BANAT NEWS)

FIRE

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with