Baligya nga mga Christmas decor gidagsaan sa Carbon

CEBU, Philippines — Nagsilbi ra usab nga dekorasyon diha sa Carbon ang mga Christmas decorations nga gipangbaligya sa Carbon ilabi na sa may dalan Lincolin Barangay Ermita ning Dakbayan sa Sugbo.

Alang niadtong wa pa makakompleto sa ilang mga dayan-dayan sa Pasko ug dinaghan ang paliton mahimo kaayo nga maghugop didto sa Carbon aron mamalit.

Klase-klase nga parol nga hinimo sa mga bisaya ang makita nga daw susama ra og dekorasyon sa dapit nga maoy bagsakan sa mga gagmay nga manghimoay ug parol sa barato nga kantidad.

Matud pa sa usa sa mga manindahay nga ginagmay lang ilang ginansya apan kung tigumon makapalit na gyud nila og kunsomo sa ilang pamilya.

Sumala pa sa maong ginang tungod kay barato man ilang baligya maong motultol na sa ilaha ang mga mamalitay diin adunay dinaghan o pakyaw ang ilang pagpamalit sa parol.

Adunay bagsak presyo usab ang nagkadaiyang Christmas decor sa maong dapit sama sa mga Christmas balls, Santa claus ug uban pa. (BANAT NEWS)