Impeachment 3

Wala matagbaw ang mga kontra ni Bise Presidente Sara Duterte Carpio tungod kay gidugangan pa gyod nila ang na una nang duha ka reklamong impeachment nga gipasaka batok sa bise presidente.

Ang miduso sa ilang reklamong impeachment mao ang grupo sa sa kaparian ug mga abogado ug giindorsar kini sa duha ka mga kongresiata.

Aduna pa kahay oras sa paghuman ang Kongreso sa impeachment?

Anaa na karon sa ilang Christmas break ang mga sakop sa Kongreso ug sa ilang pagbalik sa Enero pila nalang ka semana magsugod na ang kampanya sa mga kandidato sa pagka senador ug party-list.

Tungod kay ang mga kandidato sa pagka senador anaa lamang 90 ka adlaw sa pagpangampanya busa dili gayod nila sayangon ang pagkampanya lukop nasud.

Apan kun ugaling madayon ang impeachment batok sa bise presidente diin maglingkod isip Judges sa impeachment court ang mga senador, anaa pa kaha silay panahon sa pagpangampanya?

Hinuon sa maong sitwasyon adunay duha ka kapilian ang senador nga reelectionists, una motambong nalang sila sa impeachment trial kay makitan sila sa mga tawo sa tibuok Pilipinas nga adunay television. Ning sitwasyona, dili nila petsonal mahimamat ang mga botante. Ang ikaduha nga sitwasyon mao ang pagsuroy lukop nasud aron mahimamat personal ug malamano ang mga botante apan dili nila mahurot paglamano ang mga botante.

Wala pay nasugdan ang Bbos Balay Balauranan sa tulo ka reklamong impeaxhment batok sa Bise Presidente.

Sa laing bahin, nganong tulo man gyod ka impeachment ang gipasaka? Buot bang ipasabot nga hinay ug mga reklamong impeachment?

Ang tumong sa impeachment mao lang g'yud ang pagtangtang sa impeachable nga opisyal. So, unsa pa may pulos sa ikaduha ug ikatilong reklamo?

Hinuon, Maayong Pasko kaninyong tanan.