Bisa'g sakop ni VP Sara Duterte ug Mary Grace Piattos patestigohoon

CEBU, Philippines — Paninguhaon sa House prosecutors nga gamiton ang subpoena powers sa Senado para mandoan paghatag og mga testimonya ang mga gikonsiderar nga magmagahi ug dili gusto apil na ang mga tawo ni Vice President Sara Duterte sa kampo niini— ini og magsugod na ang impeachment trial nga magsugod karong Hulyo 6, sumala pa sa usa sa mga miyembro sa prosecution panel kagahapon, adlaw nga Domingo.

Sa interview sa dzBB, si Manila 3rd District Rep. Joel Chua niingon nga naay 57 ka mga testigo ang prosekusyon nga naa sa ilang listahan, ang uban ani nila gipaabot nga magmagahi nga boluntaryong motestigo.

“Kaya nga po meron tayong tinatawag na unwilling or hostile witness. Hindi naman lahat ng mga ipi-presenta doon ay willing,” matud pang Chua.

Ang klaripikasyon gihimo human ni- post sa social media post ang kanhi court sheriff nga si Abe Andres— ang sheriff nga gisukmag kaniadto ni Duterte atol sa demolisyon niadtong tuig 2011 samtang siya pay mayor sa Davao City.

Si Andres miapelar nga dili nalang siya apil-apilon anang gihulagway niyang “partisan political matters.”

Ang maong pagpanukmag ni Duterte sa usa ka representante sa korte kaniadto nga nakuhaan video sa mga news crew usa sa mga gihimong sukaranan sa kinaiya ug pamatasan nga giapil sa mga prosecutors sa Articles of Impeachment.

Giklaro sab ni Chua nga wala nagpasabot nga kung giapil sa listahan otomatiko ng padad-an og summon, tungod kay timbang-timbangon pa kini sa prosekusyon ang tagsa-tagsa nila ka mga testimonya samtang nagdagan ang husay.

Apan gipasabot ni Chua nga kun ang importante kaayo nga testigo dili motestigo, gikompirmar ni Chua nga mohangyo sila sa Senate impeachment court nga pugson sila sa pagpatambong. Dili exempted ani bisan ang mga sakop sa Bise Presidente.

Apil sa gilista sa prosekusyon si kanhi Department of Education (DepEd) spokesperson Michael Poa, kinsa usa karon sa mga abogado sa depensa ni Duterte.

Gipasabot sab ni Chua nga dili intension sa prosekusyon nga ipatawag ang tanang 4,000 individual nga nakadawat sa kontrobersiyal nga confidential funds ni Duterte, kondili sa usa ra gyud nga prominente kaayo ug gidudahang dili tinuod nga tawo, nga ginganlan og "Mary Grace Piattos" kay gatuo silang paigo na siya para mapamatud-an ang kaso batok sa bise presidente. Daan nga gipasangil sa prosekusyon nga liboan ka mga acknowledgment receipts nga gipresentar nga giingong maoy gigamitan sa Office of the Vice President's (OVP) confidential funds, pulos tanan hawsyaw o hinimo-himo lang nga pangalan. Si "Mary Grace Piattos," kansang pangalan nakita sa daghang mga OVP acknowledgment receipts maoy gitutokan og maayo sa congressional investigations human nga ang Philippine Statistics Authority (PSA) nikompirmar nga walay birth o marriage records ang maong pangalan sa ilang buhatan. — (BANAT NEWS)