CIT-U Junior Wildcats miabante sa Cordova basketball semis

CEBU, Philippines — Ang Cebu Institute of Technology-University (CIT-U) Junior Wildcats midonar sa Sacred Heart School-Ateneo de Cebu (SHS-AdC) Magis Eagles, 81-71, aron pag-abante sa semifinals sa Cordova Pocket Basketball Tournament 2026 didto sa Cordova Sports Complex. Si Mark Ivan Geraldez maoy nangu sa upat ka CIT-U players nga mikadlit og double figures uban ang 16 puntos.

Midugang si Vince Zamora og 14 puntos, si Francis Angelo Dosdos mi-iskor og 12 samtang si Jerome Enderes mitali og 10 puntos alang sa Junior Wildcats, nga sa usa ka higayon milabaw og 24 puntos.

Gawas sa balanse nilang opensiba, nindot sab ang depensa sa mga batos ni coach Axel Rabaya nindot hinungdan nga ilang nalimitahan ang bitoon sa SHS-Ateneo nga si Lian Kent Basa ngadto sa siyete puntos lamang.

Bitbit ang 2-1 win-loss rekord human sa eliminasyon, ang Junior Wildcats nakaangkon og luna sa crossover semis batok sa Cordova Public College (CPC) Eels karong Biyernes, Hulyo 24.