Driver sabog ang mukha sa tandem
MANILA, Philippines — Dead on the spot ang isang 58-anyos na lalaki nang malapitang barilin ng isa sa dalawang lalaki na sakay ng motorsiklo sa mukha, kamakalawa sa Brgy. Longos, Malabon City.
Kinilala ang nasawing biktima na si Benjamin Codilan , driver, residente ng Barangay NBBS, Navotas City.
Sa imbestigasyon ng Malabon City Police, nangyari ang insidente, alas-12:26 ng tanghali sa Block 49, Pampano St, Barangay Longos, Malabon City.
Nakatayo ang biktima nang hintuan ng mga suspek na sakay ng Honda Beat motorcycle at isa sa mga sakay ay bumaba at malapitang binaril sa mukha ng dalawang ulit ang biktima.
Nang makitang duguan ang biktima agad na tumakas ang mga suspek sa direksiyon ng C4 Road, Navotas City.
Nagsasagawa na ng follow-up at manhunt operation ang Malabon City Police upang matukoy ang mga suspek na nahaharap sa kasong murder.
- Latest
