Andrea isip tahong vendor

CEBU, Philippines — Pagadalhon ni Andrea Torres ang  role nga  tahong vendor sa  upcoming GMA Afternoon Prime series nga "Akusada." Makauban niya sa maong proyekto sila si Benjamin Alves, Lianne Valentin, Marco Masa, Princess Aliyah, ug  Jeniffer Maravilla.  Si Dominic Zapanta ang direktor sa maong serye.

Jeric miunong  kang Rabiya

Dili modirekta og tubag si Jeric Gonzales   kalabot sa isyu nga matud pa nagbuwag na sila ni Rabiya Mateo.  Matud pa ni Jeric nga  naka-focus siya karon sa iyang showbiz career.  Bisan pa man sa  maong intriga,   niunong gihapon si Jeric sa sitwasyon karon ni Rabiya kinsa gisalikway sa iyang biological father.

Lig-ong relasyon

Gitataw ni Ysabel Ortiga nga “going strong” gihapon ang relasyon nila ni  Miguel Tanfelix bisan pa man nga panagsa ra sila nga magkita niini.   Busy ang duha sa tagsa-tagsa nila ka mga proyekto sa GMA-7.   Bida si Miguel sa “Mga Batang Riles” , samtang si Ysabel kay  nalakip sa laing Kapuso series nga  “Slay”. 

Titulo nga “Women of the Year”  naangkon sa BINI

Opisyal na nga ginganlan  sa Billboard Philippines ang grupong  BINI isip  2025 Women of The Year.

“With sold-out concerts around the world, chart-topping hits, and international awards, there’s no denying the success of Nation’s Girl Group. And rightfully so, Billboard Philippines proudly names BINI as the 2025 Women Of The Year,” tipik sa Instagram post sa Billboard Philippines.

Ang grupong BINI kay gilangkoban nila ni Aiah, Colet, Maloi, Gwen, Stacey, Mikha, Jhoanna, ug Sheena.  Sila usab ang nagpasikat sa “Salamin, Salamin” , “Pantropiko” , “Cherry On Top” ug uban pa.

Alden ug Julia magpares sa Pinoy version sa Pee Mak

Himoan og Philippine adaptation ang sikat nga 2013  horror comedy romance blockbuster film nga  Pee Mak nga gibidahan kaniadto sa  Thai actor  nga si Mario Maurer ug  sa Thai-Belgian actress  nga si Davika Hoorne. Alang sa Pinoy version niini  ,   ang maong proyekto kay nag-ulohan  og  Mak-Mak  nga pagabidahan nila ni Alden Richards ug Julia Barretto.

Ang Mak-Mak kay usa sa mga  nakalinya nga proyekto alang sa kolaborasyon sa Viva Group of Companies ug sa kompanya ni Alden nga  Myriad Entertainment.

Pasok usab sa maong kolaborasyon  mao ang  OOO (Out of Order) nga ipasalida sa  Netflix . Si Alden ang lead actor ug director sa  OOO nga pagabitoonan usab ni  Heaven Peralejo.

Mag-uban usab ang  Myriad Entertainment ug Viva  sa pag-produce og mga konsyerto.

Pelikula sa KimPau mikita og P12M sa unang adlaw

Mi-click dayon sa  takilya ang panagpares  nila ni  Kim Chiu ug Paulo Avelino sa pelikulang  "My Love Will Make You Disappear".  Mikita og   P12 milyon ang maong  pelikula sa  Star Cinema sa unang adlaw nga pagpasalida niini.

Ang pelikula sa  KimPau maoy labing taas nga  opening-day nga kita sa takilya alang sa 2025. Kasamtangan kini nga gipasalida sa  380 ka mga  sinehan sa tibouk nasud.

Gisorpresa  nila ni  Kim ug  Paulo ang ilang  fans pinaagi sa pagbisita sa pipila ka  block screenings .

Gikumpirmar sa  Star Cinema nga dunay  nakalinya nga  224 block screenings ang maong  pelikula gikan sa nagkalain-laing dapit sa  North America, Middle East, ug Asia.

Ubos kini  sa  direksyon ni Chad Vidanes ug nalakip usab niini sila si   Melai Cantiveros, Wilma Doesnt, Lovely Abella, Benj Manalo, Nico Antonio, Migs Almendras, Martin Escudero, Karina Bautista, Jeremiah Lisbo, Atasha Franco, Kelsey Lasam, ug Lucas Andalio.