Mga Sugbo anon gidapit sa pagsalmot sa clean up
CEBU, Philippines — Nidapit si Acting Cebu City Vice Mayor Donaldo Hontiveros ngadto sa mga Sugboanon nga mosalmot sa ika-17 nga Cebu Citywide Clean Up diha sa pito ka dagkong sapa dinhi sa siyudad nga gilangkuban sa Bulacao River, Tagunol River, Kinalumsan River, Guadalupe River, Estero de Parian, Lahug River, ug Butuanon River.
Mahitabo ang maong clean up karong Septiyembre 21, 2024 nga magsugod karong alas 6:00 sa buntag. Kasamtangang adunay 20 ka grupo sa volunteers gikan sa nagkadaiyang sektor sa komunidad ug ubang barangay ang mosalmot sa maong kalihokan.
“Hopefully, the support of the public amo nang ma-feel and hopefully it won’t stop there, nga we are always reminded that we have a shared responsibility…. Of course, from the private sector naa na sila ni-volunteer, but also the public”, padayag ni Hontiveros.
Human sa pagpanglimpiyo ilusad usab ang World Bamboo Month diin mananom og mga kawayan diha sa Ayala Heights sa Barangay Pung-ol Sibugay.
Matud ni Reymarr Hijara, officer-in-charge sa Cebu City Environment and Natural Resources Office nga ang paglusad sa World Bamboo Month usa usab ka pamaagi sa pagtuboy sa pagpananom og kawayan ngadto sa mga mag-uuma isip paagi nga makakuha og kita diin giingong kusog ang demand karon sa supply sa kawayan. (BANAT NEWS)
- Latest
