Pondo ng DPWH daraan sa butas ng karayom
MANILA, Philippines — Tiniyak ni House Deputy Minority Leader at ACT Teachers Partylist Rep. France Castro na daraan sa butas ng karayom ang panukalang pondo ng Department of Public Works and Highways (DPWH) sa deliberasyon nito sa Kamara.
Ang P6.352 trilyong panukalang pondo ng administrasyon ni Pangulong Ferdinand Marcos Jr. ay nakatakdang isumite ng Department of Budget and Management (DBM) Secretary Amenah Pangandaman sa Kamara ngayong Lunes (Hulyo 29).
Sinabi ni Castro na bigo ang DPWH sa flood control program nito para mapigilan ang matinding epekto ng bagyong Carina na nagdulot ng mala-Ondoy na pagbaha.
Ayon kay Castro, kailangang may managot sa mga opisyal sa matinding pagbaha sa NCR, Southern Tagalog at iba pang bahagi ng Central Luzon.
“The administration has allotted a drastically high budget for flood control funds in the 2024 budget of the DPWH, but thousands of people were forced to flee to their roofs or evacuate due to the massive floods caused by the Super Typhoon Carina,” ayon pa sa mambabatas.
Sinabi ni Castro na pinondohan ng malaki ng gobyerno ang DPWH na umaabot sa bilyong halaga kung saan sa flood mitigation structure at pasilidad ay nasa P71,190,002,000; flood management program P144,040,506,000; flood mitigation structure P33,565,050,000 at construction mitigation facilities P100,537,405,000.
“This does not include foreign assisted projects purportedly for flood mitigation, but it already totals to P349,332,963,000 or P957,076,610.9589 per day of flood control funds. That is almost P1 billion of funds a day, but they failed catastrophically to do their jobs,” anang Deputy Minority Leader.
“Kailangang busisiin ito ng todo. Sinasayang nila ang pera ng bayan tapos ganyan pa kapalpak ang nangyayari…Hindi na dapat maulit ito at dapat may managot sa disaster na nangyari,” sabi pa ni Castro.
- Latest
