^

Sports

Fighting Maroons, Cheetahs mag-abot

Emmanuel B. Villaruel - The Philippine Star

MANILA, Philippines — Ang University of the Philippines (UP) Cebu Fighting Maroons makigharong batok sa Benedicto College Cheetahs sa laing sangka tali sa mga bag-ohanon sa 23rd Cebu Schools Athletic Foundation, Inc. (CESAFI) men's basketball tournament karong adlawa didto sa Cebu Coliseum.

Mag-engkwentro sila sugod sa alas 3:30 sa hapon.

Ang UP Cebu miapil sa CESAFI niadto pang miaging tuig apan mokumbati sila sa basketball event karon lamang nga season.

Ang UP Cebu Fighting Maroons ubos sa paggiya ni Rommel Rasmo, usa labing daogan nga mga coaches sa kasaysayan sa CESAFI nga dunay unom ka korona sa juniors division uban sa Sacred Heart School-Ateneo de Cebu (SHS-AdC) Magis Eagles.Mag-coach siya sa college sa ikaduha pa lamang nga higayon sukad iyang gidala ang University of San Carlos (USC) Warriors niadtong 2016.

 Samtang ang Benedicto College pagadalhon ni BJ Murillo, nga duha ka higayon nahimong CESAFI All-Star sa iyang panahon uban sa

Cebu Institute of Technology-University (CIT-U) Wildcats. Wala kaayo siya mailhi isip coach apan sa hilom mihimo og marka sa mga gagmay nga liga.

Gawas sa UP Cebu ug Benedicto College, lain pang duha ka college teams ang magbangga. Kini mao ang USC Warriors ni coach Paul Joven ug ang University of San Jose-Recoletos (USJ-R) Jaguars ni coach Edito Salacut sa alas-5 sa hapon.

Sa nag-unang duha ka duwa ubos sa high school division, ang USC Baby Warriors makigpinaksitay sa University of Cebu Lapu-Lapu and Mandaue (UCLM) sa alqas 12:30 sa hapon samtang ang City of Bogo Science and Arts Academy (CBSAA) Trailblazers makigbugno sa USJ-R Baby Jaguars sa alas-2 sa hapon.

vuukle comment

CESAFI

Philstar
x
  • Latest
  • Trending
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with