Northern Lights: Drama sa amahan ug anak

CEBU, Philippines - Palahi na pud nga dagan sa istorya ug challenging nga proyekto. Mao kini ang paghulagway ni Piolo Pascual alang sa bag-o niya nga pelikula nga “Northern Lights: A Journey to Love” nga mosikad karong adlawa sa mga sinehan.

Ang pelikula gipaluyohan sa Regal Entertainment, Star Cinema ug sa movie outfit ni Piolo nga Spring Films.

Modala si Piolo isip Charlie kinsa nangita sa dalan sa iyang kapalaran, samtang modala usab isip iyang anak ang child star nga si Raikko Matteo.

Sa labing una nga higayon, nakapares ni Piolo ang aktres nga si Yen Santos kinsa gihulagway niya nga maayo mo-arte.

Nakapunting ang maong pelikula sa istorya sa mag-amahan ug anak busa mga anggulo nga maka-relate pag-ayo si Piolo kinsa duna na’y anak sa tinuod nga kinabuhi, si Inigo.

Sa pakighinabi nila ni Piolo ug Yen ngadto sa mga Cebu Entertainment Group (R-Group) atol sa presscon nga gidumala ni Josie Pereyra sa JSP Ads and Promotions, nagkanayon ang duha nga dako ang ilang pagsalig nga makadawat sila og init nga suporta sa ilang fans gumikan kay talagsaon kaayo ang maong pelikula.

Nahulma ang titulo nga “Northern Lights: A Journey to Love” gumikan kay alang kang Piolo, naghisgot kini sa dagan sa nagkadaiyang aspeto sa kinabuhi.

“Tungkol kasi ito sa journey sa three characters sa pelikulang ito. Nagkuwento din ito sa past relationship na dapat na talaga mag-move on, kaya masasabi natin na iba't-ibang journey talaga ang kinaharap ng iba't-ibang tao, “ suma pa ni Piolo atol sa presscon nga gipahigayon diha sa Cebu Parklane Hotel.

Giangkon usab ni Piolo nga nahimong tipik sa istorya sa maong pelikula nakuha niya gikan sa tinuod nga kaagi sa usa niya ka kabanay .

Kasagaran sa mga nangaging pelikula naghisgot og inahan ug anak, busa panahon na usab nga maghisgot og amahan ug anak.

“When it was pitched to me last year, our director Dondon Santos was working on ‘All of Me,’ thus, gusto din niya makasama si Yen. It was close to his heart because it’s his father’s story. As an actor, I think it’s always our responsibility to do something that we haven’t done before. Ergo, when my director pitched the project to me, I told him I’ve always wanted to do something like ‘Pursuit of Happiness,’ wherein you get to see the perspective of a father for a change, because we’re accustomed to stories about moms,” suma pa ni Piolo.

Dugang pa ni Piolo nga duna gyu’y tataw nga unod ang leksyon nga maangkon sa maong pelikula.

“Pagkatapos natin manood ng pelikula, merong moral lessons tayo na makukuha. May mensahe ng forgiveness and acceptance. Dapat marunong tayo magpatawad sa mga taong nagpapasakit sa atin. Huwag din matakot magmahal . Gusto lang natin na maging masaya sa mga ginagawa natin,” matud pa sa aktor.

Nalipay ra usab si Piolo gumikan kay nahatagan gyud siya og higayon nga nakatrabaho og balik sa Regal Films human sa 14 ka tuig.

Gipasigarbo usab sa aktor ang maong pelikula gumikan kay daghan gyud ang maka-relate niini ilabi na sa mga ginikanan nga layo kaayo sa ilang mga anak.

Samtang ang leading lady ni Piolo sa maong pelikula nga si Yen nibutyag nga maisip niya nga dakong break sa iyang career ang maong pelikula.

‘Masasabi ko talaga na biggest break o highlight siya sa career ko. Isa siyang pelikula at hindi ko akalain na makasama ko pa si Piolo Pascual na pinanood ko lang noon sa telebisyon, pero ngayon, nakasama ko na talaga siya,” nagkatawang gibutyag ni Yen.

Suma pa ni Yen nga direktor niya kaniadto sa seryeng All Of Me mao ra usab ang nirekomendar niya sa maong proyekto.

“Noong sinabi sa akin ang pelikulang ito,wala talaga akong ideya na makasama ko pala si Piolo. Excited lang talaga ako noon dahil makakagawa na ako ng movie. Kaya noong sinabi na si Piolo pala ang magiging partner ko, nanginig at namula ako sobra,” saysay pa sa aktres.

Nagkanayon si Yen nga wala gyud siya kasabot sa iyang gibati sa dihang gisugdan na ang shooting sa maong pelikula. Kasagaran sa mga eksena niini gibuhat didto sa New Zealand ug kapin gyud sila sa duha ka semana sa maong dapit.

Tungod sa iyang pagka-starstruck kang Piolo, gibadlong gyud siya ni Direk Dondon gumikan kay naabot na sila og pito ka takes ug padayon siya nga namugnaw kun kaatubang niini ang aktor.

“Sobrang kilig talaga, halos hindi ako makagalaw kung kaharap ko na siya. This is a dream come true and a great honor for me. Among all the male stars, sa kanya lang ako nagpapa-picture. Sobrang guwapo niya kasi, kaya ang hirap titigan. Kailangan kasi suplada ako, pero paano mo susupladahan yung ganyan, di ba? Ang hirap kasi hindi rin ako makatingin sa kanya dahil kinikilig ako. Sinabihan na ako ng director, ‘Yen, tumatakbo ang oras natin. Dito, time is gold. Umayos ka na diyan. Sumeryoso ka na,” suma pa niya.

Aminado si Yen nga wala niya damha nga makab-ot niya karong tuiga ang pagsaka sa iyang career ug nagmalaumon siya nga magsagunson na kini.

“Bawat trabaho na ibinigay sa akin,binigyan ko talaga ng halaga. Sobra ang aking pasasalamat na naabot ko to, sana susuportahan ninyo ang Northern Lights: A Journey to Love,” panapos pa sa aktres.

Nalakip usab sa maong pelikula sila si Tirso Cruz III, Sandy Andolong, Jerald Napoles ug Maricar Reyes.

Powerhouse cast sa Mulawin

Pormal na nga gipaila sa GMA-7 niadtong Lunes sa gabii ang tanang cast members nga maglangkob sa pantaseryeng Mulawin vs. Ravena,

Nasayran nga magbaha ang Kapuso stars nga malakip sa sequel sa Mulawin nga unang nisikat niadtong 2004.

Makauban ni Dennis Trillo sa maong proyekto sila si Heart Evangelista-Escudero (Alwina) Carla Abellana (Aviona), Miguel Tanfelix (Pagaspas) ug Bianca Umali (Lawiswis).

Aduna’y mga bag-ong karakter nga gidugang sa maong programa, ug kini pagadalhon nila ni Lovi Poe (Magindara), TJ Trinidad (Greco) ug Derrick Monasterio ( Almiro).

Molugwa usab sila si Bea Binene (Anya), Kiko Estrada (Rafael), Angelu de Leon (Lourdes), Bobby Andrews (Dionosio), Joko Diaz (Antonio) , Chynna Ortaleza (Reyna Rashana), Nova Villa (Lola Elo), Roi Vinzon (Daragit), Charee Pineda (Savana), Valerie Concepcion (Tuka), Dion Ignacio (Siklab)

Aduna puy espesyal nga partisipasyon si Regine Velasquez (Sandawa) ug duna pu’y giandam nga role alang kang Tom Rodriguez. (BANAT NEWS)