Lalaking nasunog ang katawan, himalang nabuhay! (Part 1)
ANG pangyayaring ito ay base sa salaysay ng isang ina mula sa Mansourieh, Lebanon. Nasunog ang katawan ng kanyang anak na si Charbel Jihad Kassouf, 23, subalit himala itong nakaligtas sa kamatayan.
Ayon sa ina, pauwi na galing sa trabaho ang kanyang anak na si Charbel Jihad noong gabi ng Marso 11, 2023 at nagmamaneho ng kotse nito sa Sad El-Bouchrieh nang isang malaking sunog ang nakita nito sa dinaraanang highway. Isang residential building ang nasusunog.
Nakita umano ng kanyang anak ang mga taong na-trap sa building at humihingi ng tulong.
Agad umanong itinigil ng kanyang anak ang kotse at mabilis na tinungo ang gusali para tulungan ang mga na-trap na residente.
Matapang umano na sinuong ng anak ang nagliliyab na gusali para iligtas ang mga nagmamakaawang residente sa loob.
Dahil sa ginawa, grabeng nasunog ang ulo, leeg, mukha, tiyan, binti at mga paa ni Charbel Jihad.
Wala siyang malay nang isugod sa Geitaoui Hospital in Beirut.
Sinabi ng mga doktor na wala nang pag-asang mabuhay ang binata dahil sa mga tinamong pinsala.
Iyak nang iyak ang ina ni Charbel Jihad.
(Itutuloy)
- Latest
