Himala: Kapatid gumaling sa sakit (Part 12)
‘ANONG itsura ng babaing nagbigay sa iyo ng pera Ate?” tanong ni Victor.
“Napakaganda niya. Napakaamo ng mukha at napakaaliwalas. Basta noon lang ako nakakita ng ganung klase ng mukha ng babae.”
“Parang artista?”
“Higit pa sa artista. Wala siyang makeup—totoong-totoo ang kagandahan. ‘Yun bang hindi retokado.”
“Aba sino kaya ‘yun?”
“Iniisip ko nga kung sino?”
“Sana tinanong mo ang name?”
“Hindi ko na naitanong dahil nawala agad pagkatapos iabot sa akin ang sobre.”
“Mabilis na nawala?”
“Oo. Palagay ko pumasok na sa bahay na tinuro ko.”
“Sana naitanong mo ang name at nakapag-thank you ka Ate.”
“Hinanap ko nga sa paligid pero wala na.”
“Anong suot niya?”
“Puti tapos may blue.”
“Bestida?”
“Mahabang damit.”
“Parang suot ng mga executives sa banko?”
“Hindi! Mahirap i-describe dahil bagay na bagay sa kanya ang suot.”
“Ano kaya ‘yun?”
“Parang suot ni Birhen Maria!”
Napamaang si Victor. (Itutuloy)
- Latest
