‘Pitaka’ (Part 2)
NANGINGINIG ang kamay ko nang damputin ang pitaka. Sunud-sunod ang tambol ng dibdib ko. Mabigat ang wallet. Halatang maraming laman. Nagpalinga-linga ako sa paligid. Walang tao. Walang nakakita sa akin sa pagpulot ng pitaka.
Isinilid ko sa bulsa ang pitaka. Naglakad ako sa kahabaan ng Makati Avenue. Sa totoo lang wala akong alam kung saan pupunta dahil abala ang aking isip sa napulot na pitaka.
Iniimadyin ko na maraming laman na pera ang pitaka. Malulutong na perang papel. Tamang-tama dahil wala na kaming panggastos ng kapatid ko.
Nagpatuloy ako sa paglalakad. Hindi ko pinansin ang mainit na sikat ng araw. Mas nakatuon ang aking isip sa pitaka na nasa aking bulsa.
Nang makarating ako sa Buendia, sumakay ako ng dyip patungong JP Rizal. At mula J.P Rizal, sumakay ako ng bus patungong Quiapo.
Gusto ko nang makauwi sa aming tirahan para malaman ang laman ng pitaka na napulot ko.
(Itutuloy)
- Latest
