‘Salamin’ (Part 5)
NAPASULYAP ako sa antigong salamin nang bumababa na kami sa hagdan.
May nakita akong babae sa repleksiyon ng salamin.
O namalikmata lamang ako?
Hindi ako nagpahalata kay Cristy sa napansin ko sa salamin. Baka kung ano ang isipin.
Nang makababa kami sa hagdan, hindi ako nakatiis.
“Cristy, meron akong sasabihin…”
“Tungkol saan, Karina?”
“Tungkol sa antigong salamin sa may hagdan.”
“Ano ang tungkol dun?”
“May nakita akong image ng babae sa salamin.”
Nagulat si Cristy.
“Anong itsura?”
“Hindi ko gaanong mai-describe pero maganda siya at nakasuot ng baro at saya.”
“Matanda na?”
“Hindi ko masabi kung matanda na dahil malabo ang image.”
“Kung naka-baro at saya—si Lola Elisa lang ang alam kong naka-baro at saya. Walang ibang nagsusuot nun dito.”
“Kung si Lola Elisa yun, ibig mong sabihin, yung nakita ko ay multo?”
Napatango si Cristy.
Gumapang ang kilabot sa katawan ko. (Itutuloy)
- Latest
