Flocerfida (297)
“BILIB ako sa’yo Dang, ang tapang mo. Nakakapag-isa ka sa gabi,’’sabi ni Ericko. Nasa canteen pa rin sila.
“Kailangan e.”
“Bakit nga pala biglang nanirahan sa probinsiya ang tito mo? Sorry ha, masyado akong matanong kahit hindi na dapat itanong.”
“Okey lang Ericko. Magkaibigan naman tayo. Meron kasing isang tao na laging sunud nang sunod kay Tito. Para maiwasan, sa probinsiya na niya pinasyang tumita.”
“Lalaki o babae ang sunud nang sunod?”
“Babae.”
“Malaki ang gusto sa tito mo?”
“Mabuti sana kung gusto lang at normal ‘yun—kaso may iba pang motibo ang paghabol.”
“Ah ganun ba?”
“Kaya nagpasya si Tito na sa probinsiya na muna.”
“E di magtatagal siya roon?”
“Posible.”
“Paano ang balak niyang maging reseller ng juice drink?”
“Saka na lang daw muna. Pero interesado siya. Lagi nga niyang sinasabi na mayroon siyang nakilala noon na imbentor ng juice. Kasi ang father yata ng kakilala niyang imbentor ay naging kasamahan niya sa Saudi.
:Hmmm. Anong name ng tito mo Dang?”
“Kikoy.”
Nag-isip si Ericko.
Parang mayroon nga akong natatandaan na Kikoy ang pangalan.”
“Baka magkakilala kayo ni Tito, Ericko.”
“Isama mo kaya ako sa probinsiya n’yo Dang!”
Nag-isip si Dang.
(Itutuloy)
- Latest
